كيكة برايبي

هاد الكيكة من بين الكيكات اللي كنعمل ديما هي ساهلة و لذيذة فنفس الوقت

مقادير الكيك :

3 بيضات
1 ياغورت
2 كسان د سنيدة
1كاس ونصف زيت
2 خمارات حمراء
نصف كاس حليب دافئ
3 كيسان ديال الفورص
(لعبار ب كاس دانون)

كانخلط المكونات كاملة و ندهن المول بالزبدة و نخوي فيها الخليط ثم ندخلها الفران

الطبقة الثانية:
نصف لتر حليب
3 معالق نشا
السكر

نخلط الكل ونديري فوق عافية مهييييييلة حتا يعقاد مزيان

الطبقة الثالثة:

3 رايبي
3 معالق النشا
حتى هما نعملوهم فوق العافية حتى يعقد الخليط

ملي يطيب الكيك كانقسمو علا 2 بالخيط او بالسكين الخاص بالكيك
كاندير طبقة ديال خليط الحليب و النشا ونحط الطبقة الاخرى ديال الكيك ونعاود ندير طبقة اخرى
ندخل الكيك للثلاجة باش تبرد وتجمع هاديك الطبقة البيضاء
من بعد كانخوي عليها تاني خليط رايبي وندخلها تبرد
و في التقديم زينيها باي حاجة عندك ( الفريز او اللوز مقلي و مهرمش او طريفات اناناس....)
وبالصحة و العافية

صح تبان لذيييييييذة وسهلة, لكن ماهو ’ الفورص’
و شكرا مسبقا عزيزتي على الاجابة   

الفورص اختي هو الطحين الابيض
و مشكورة اختي على مرورك العطر

       

مشكووووورة عزيزتي بنت ناس

باينة غادي تجي بنينة شكرا زين

بصحتكم البنات
مشكورات على الردود