اللي عندها لعكس ومعندها زهر

من طرف **meknasia** الثلاثاء ديسمبر 03, 2013 3:24 am

هاد الوصفة اللي عندها لعكس ومعندها زهر الله يسر الامور
هاتخدو 7 بيضات عادين اللي كنكلوهم ولكن بشرط ميكونوش فالتلاجة و كنأكد ع هادي
هاد البيضات كل نهار هانديرو وحدة مدة 7 ايام هنديرو معاهم
الحصلبان -حبة العشق -السالبة و الغالبة -النصر-زوان-سواك-ام الناس الزعزاع البيض باش الا كان شي بوركابي باغيك يتزعزع باش تباني ليه -الكروية العمية -وعود الصليب -الفيجل
اوا نبداو الطريقة راني كنشرح ليكم بشوي
كل نهار هاتشعلي المجمر مع المغرب يقول الله اكبر ديري البيضة وسط المجمر ديرها واقفة وضيفي عليها شوي من هاد البخزر الي قلت ليكم ولكن الغرض ديالنا طرطق البيضة وداك الدخان يطلع معاك وتكوني لابسة شي حاجة واسعة باش تسالي كل نهار خبي داك البيض الي كيبقي فالمجمر حتي تجمعي ديال 7 ايام ولوحيه هو وداك البيجامة اللي كنت لابسة فشي خلا